İntâk-ı Hakk’ın Tahmîsi

1

Bu keştiler ki bâliğ farz İdin mikdârı tislûna

Nasıl tersâneden çıksın 'adüv başlarsa şeb-hûna

Değil deryâya tâb-âver değildir belki Ceyhûn'a

İlâhî sen selâmet ver donanma-yı hümâyûna

Hilâfetden emanet cümlesi sen zât-ı bî-çûna 2 Benim re'yim sorulsa bunda eylerdim şunu inhâ

Erenler himmetiyle devr eder dünyâ vü mâ-fi-hâ

Sefâ'inde okunsun sûre-i Yâsîn ile Tâhâ

Bi-izni 'İlâh bismi 'İlâh mecrîhâ ü mersîhâ

Deyip 'azm eylesinler tâ hudûd-ı Çin ü Mâçîne

3 Değil mi bunların Bahr-i Sefid'e çıkması ağreb

Ma'âza'llâh batmak ihtimâli her zamân ağleb

Donanmamız için mesdûd her dervâze-i matlab

Kilidii'I-bahri sen miftâh-ı tevfikinle aç yâ Rab

‘Azîmet eylesinler bakmasınlar sayf u kânûna

4

Çıkardık harb İçin birkaç ukâb-ı bâd-bân-ı şeh-bâl

Eğerçi her biri bir teknedir hem hâlet-i gırbâl

Önünde reh-nümâ olsun hümâ-yı 'İzzet ü İkbâl

İlâhî 'avn-ı Hakk'ın dalga dalga etsin istikbâl

Gidip gelsin zaferlerle halîc-i sa d-makrûna 5 Silâh ancak medâr-ı zîb ü ferdir ehl-i İslâm'a

Zırıhlı sanki zî-miğfer neferdir ehl-i İslâm'a

Yine matkûl olan bahren seferdir ehl-i İslâm'a

Bu keştiler birer berk-ı zaferdir ehl-i İslâm 'a

Birer berk-i belâ-endâzdır küffâr-ı mel 'ûna 6

Olunca böyle her keştî nasıl olmak gerek mellâh

Yemez içmez tavâ'İf cümlesi mânende-i ervâh

Kevâkib tâ seher gûyâ donanmamız için misbâh

'Avâsıf bunların emriyle pûyân ser-serî seyyâh

Denizler cünbiş-i çarh ile sâ 'id cevv-i gerdûna

7 Ne vüs 'atdir, ne hey'etdir, ne hikmetdir hıred-fersâ

Kalır hayretde mü'minle, yahûdî, gebr ile tersâ

Mehâbetlerle ârâmiş-güzîn-i sâhil ü mersâ

Değil keşti demirden her biri bir kûh-l pâ-ber-câ

Yerinden oynuyor dağlar bakındı sihr ü efsûna 8 Bütün eşyâ-yı techîziyyeden mahrûm cascavlak

Çıkarsa engine şâyed kazanlar vermeden patlak

Şu hâliyle görür düşman sevincinden kılar taklak

Havârıkdan sayarlar bunları Yunanlılar mutlak

Kalır pek çok esâtÎr-i garâbet çarh-ı vârûna

9 Merâkibdir fakat bunlar ne eşekdir, ne esterdir

Birinde merkebin nâm-ı Hasan Paşa muharrerdir

Peleng-i leng-i deryâyı gören cenge heves-gerdir

Ya Mes’udiyye, Orhaniyye, ejderdir, gazanferdir

Değer bin kerre bin Yunan gibi hınzîr maymuna 10 Niçin kalsın donanma böyle lenger-beste-i mersâ

Bu etmez mi anın kâ tid 'ale’ş-şâb olduğun îmâ

Hemân çıksın şu hâl ü hey'etiyle etmesin pervâ

Ne haddi düşman-ı dinin takarrüb etmesi zirâ

Pelenge karşı çıkmak güç gelir rûbâh-ı dil-hûna 11 Donanmanın olanlar ey bu günkü hâline vâkıf

Telâşın var mı ma nası ne söyler dinleyin hâtif

Hudâ'dan havf edin ey nâhudâlar olmayın hâ'if

Yetişmez bunlara berk-i kazâ ger olsa da hâtıf

Sığınmış cümlesi Allâh deyip mersâ-yı me'mûna

...